பெட்டி கேஸ்-ஜட்டி கேஸ்

வார்னிங்: இந்த போஸ்ட் ரசிப்பதற்கு மட்டும் மற்றும் உண்மையாவே அப்டிதான் நடந்தது என்பதால் எங்களால டைம் மெஷினில் போய் மாத்த முடியாது என்பதாலும் “இந்த இளைஞர்கள் மைண்ட்செட் திருந்தற மைண்ட் செட்டே இல்ல” என்று உணர்ச்சி பொங்கல் வைச்சு ஒரு முடிவுக்கு வரவேணாம்னு முன்கூட்டியே தாழ்மையுடன் கேட்டுக்கொள்ளப்படுகிறது.

2013.மின் மற்றும் மின்னனு பொறியியல்.மூன்றாம் ஆண்டு.கல்லூரி.கோடை விடுமுறையின் போது சம்மர் இன்பிளாண்ட்-டிரெயினிங் மாணவர்கள் செல்வது வழக்கம்.

அவ்வாறு நானும் என் சில நண்பர்களும் சென்றது தெற்கு ரயில்வேவுடைய எலக்ட்ரிகல் பட்டறை.பெரம்பூரில் இருந்தது.தினமும் சென்ட்ரலில் இருந்து மின்சார ரயில் புடிச்சு போகணும்.ஒரு வாரம் சுமூகமா போச்சு.எல்லா நாளும் ரயில்ல ஃபுட்போர்டு அடிச்சிட்டு போறது வழக்கம்.ஒருத்தரும் புடிக்ல.
ஒரு பிரச்னைல.

எட்டாவது நாள்.சர்டிபிகேட் வாங்க போகும் கடைசி நாள்.அன்று சான்றிதழ் வாங்கிட்டு, வழக்கம்போல ஃபுட்போர்டு அடிச்டு சென்ட்ரல் நோக்கி வந்துட்டு இருந்தோம்.அன்னைக்கு கலெக்ஷன் வேட்டை நாள்னு தெரியாது.

ரயில்வே போலீஸ் பாத்து எங்கள்ல சிலரை இறக்குனாங்க.எல்லாரையும் ஒரு ஆட்டோல ஏத்தி கொருக்குப்பேட்டை குட்ஷெட் பக்கத்துல இருக்ற ஒரு போலீஸ் ஸ்டேஷன்க்கு கூட்டிட்டு போறாங்க.என் நண்பன் வேற பதறுறான்.மச்சா போச்சு டா..நம்ம மேல கேஸ் போட போறாங்க.நம்ம வாழ்க்கையே ஓவர்டானுலாம் சொல்றான்.

எனக்கு இது பத்தி முன்கூட்டிய எந்த அறிவும் இல்லாததால,போலீஸா இருக்ற எங்க மாமா ஒருத்தருக்கு ஃபோன் பண்ணி கேட்டேன்.
அவர் விஷயத்தை கேட்ட உடனே “அட மடையனுங்களா! எல்லா நாளும் இவங்க இப்டி பிடிக்றது இல்ல.என்னிக்கு கலெக்ஷன் வேணுமோ அன்னைக்கு ரூல்ஸ ஃபாலோ பண்ணுவாங்க.உங்கள யாருடா ஃபுட்போர்டுலாம் அடிக்க சொன்னது?” னு கொஞ்சம் கடுமையா கேட்டார்.
“இதுலான் எங்களுக்கு தெரியாது மாமா.இனிமே அடிக்க மாட்டோம்.ஏதாச்சு பிரச்னை இருக்கா?”னு கேட்டேன்.பக்கத்துல என் ஃபிரெண்டு அழுவற நிலைல உட்கார்ந்துட்டு இருக்றான்.
“அதெல்லாம் ஒரு பிரச்னையும் இல்லடா.சென்ட்ரல் கோர்ட்ல ஒரு பெட்டி கேஸ் போட்டு 300 ரூவா ஃபைன் கட்ட சொல்லுவாங்க. இனிமே இப்டி பண்ணாத!”னு சொல்ட்டு காலை கட் பண்டார்.எனக்கு கொஞ்சம் நிம்மதியா இருந்துச்சு.ஆனாலும் நான் சொல்றத என் நண்பன் நம்பவே மாட்றான்.போச்சுடா நம்மள எங்கியும் வேலைக்கே சேத்துக்கமாட்டாங்க.நாம அக்யூஸ்ட் டானு” உளர்றான்.
நான் “டேய்! நாம அவ்ளோ வொர்த்லான் இல்லடா.தெரியாம பண்ணிட்டோம்.ஃபைன் கட்டிட்டா விட்ருவாங்க.இனிமே ஒழுங்கா இருப்போம்!” அப்டினு சொல்லிட்டே இருக்கேன்.
ஒரு போலீஸ்காரர் ஸ்டேஷன் உள்ள வந்து பெஞ்சை தட்டி “தம்பிகளா! இங்க பாருங்க..நீங்க ஒழுங்கா ஃபைன் கட்டிட்டீங்கன்னா இது பெட்டி கேஸ்.இல்லனா மவனே ஜட்டி கேஸ் ஆக்கிடுவேன் பாத்துகுங்க”னு பஞ்ச்லாம் பேசறார்.நண்பனின் பீதி அதிகமாயிடுச்சு.அவங்க அப்பாவுக்கு கால் பண்ணிட்டான்.அவர் என்னமோ ஏதோனு லாயரெல்லாம் கூட்டிட்டு வந்துட்டார்.அப்பயும் இவங்க தங்க கடமைய செஞ்சிட்டுதான் வெளில விட்டாங்க.

மூணு மணிநேரம் காக்கவச்சு சென்ட்ரல்ல இருக்ற ரயில்வே கோர்ட் உள்ள போறதுக்கு வரிசைல நிக்க வச்சிருந்தாங்க.எங்கள மாதிரி ஃபுட்போர்டு அடிச்ச பசங்களுக்கு பின்னாடி பிச்சை எடுத்து நியூசென்ஸ் பண்ணவன்,யூரின் போய் மாட்னவன்லாம் நின்னுட்டு இருந்தான்.காலக்கொடுமை சகோதரா..இதுவும் கடந்துபோகும்னு நினைச்சிட்டு நின்னுட்டு இருந்தோம்.

கோர்ட் உள்ள போனா அங்க ஒரே ஒரு நீதிபதி.ஒரு கூண்டு அவர் எதிரில.அவர் கீழ ஒரு எழுத்தர்.பக்கத்துல சில ஸ்டாஃபுங்க.ஃபுட்போர்டு அடிச்ச ஒரு முப்பது பேரை மொத்தமா (குற்றவாளி) கூண்டுல ஏத்தி “இனிமே ஃபுட்போர்டு அடிக்காதீங்க.லைன்ல நின்னு ஃபைனை கட்டிட்டு போங்க” என்றார் நீதிபதி.வெளில வந்து ஒரு டீக்கடைல டீ குடிச்சுட்டு நின்னோம்.சட்டம் என்னாமா வேலை செய்துல்ல?சிரிக்ற லெவல்லயும் இல்ல.நடுல போலீஸ் ஸ்டேஷன்ல நியூஸ்பேப்பர் கட்டிங்க கொடுத்து ஃபுட்போர்டுல இருந்து கீழ விழுந்து  செத்தவன் கேஸைலாம் வேற எக்ஸ்பிளெயின் பண்ண ஆரம்பிச்சிட்டாங்க.அதுல இருந்து சென்ட்ரல்-ஆவடி ரூட்டுல மட்டும் நாங்க ஃபுட்போர்டு அடிக்றது இல்ல. 😛

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s